Hammasi hujumchi Antuan Semenyoning "Bornmut"dan "Manchester Siti"ga o‘tishiga qarab ketmoqda. Bitim yaqin kunlarda, uzog‘i bilan yakshanbagacha rasmiylashtirilishi mumkin. The Guardian nashrining yozishicha, "shaharliklar" Semenyoni sotib olish opsiyasida ko‘rsatilgan summani uch yil ichida to‘lamoqchi. Gap taxminan 65 million funt (74,5 million yevro) haqida ketmoqda.
Manbaga ko‘ra, "Manchester Siti" allaqachon 25 yoshli Semenyo bilan shaxsiy shartnoma shartlarini kelishib olgan. Maosh haftasiga 150 ming funt (taxminan 171 ming yevro) va bonuslarni tashkil etadi.
2025/2026 yilgi mavsumda Antuan Semenyo 18 ta o‘yinda maydonga tushib, 9 ta gol urdi va 3 ta golli uzatmani amalga oshirdi.













