”Бунёдкор” ”Пахтакор” учрашувидан сўнг ”қалдирғочлар” устози Вадим Абрамов қуйидагича фикр билдириб ўтди:
“Иккинчи ўйинни ҳам бой бердик. Тўғри назорат учрашувларида бошқа таркиб билан, асосий ўйинларда бошқа таркиб билан ҳаракат қилдик. Лутфулло Тураев қайтгач, ёшларнинг ҳам ўйини ўзгаради. Кейинги ўйинларда ёшлар жамоасидан ҳам футболчиларни жалб қиламиз. У ерда ҳам бир қатор кучли футболчилар бор. Бугун МТЖ билан ОТЖ ўйнагандек бўлди. Умид қиламан, Лутфулло Тураев кейинги турдан сафимизга қўшилади. Лекин аниқ қачон қўшилишини билмайман.
Агар, раҳбарият ёшлар билан ўйнайсан деса, биз уларнинг режаси бўйича ўйнашга мажбурмиз. Легионер бор ёки йуқлигини аҳамияти йуқ. Мен доим маҳаллий футболчиларга ишониб келганман. Агар легионер керак бўлса, у маҳаллий футболчилардан бир бош устун бўлиши керак. Ундай легионерларга эса биласиз анча маблағ кетади”, -дейди Абрамов.
