Мана бир неча йиллардан бери икки буюк футболчидан қай бири кучли деган савол ҳаммани қизиқтириб келмоқда. «Гоал 24» нашри машҳур дарвозабонларлардан қайси футболчининг зарбаси улар учун ноқулайлигини билиш мақсадида кичик бир сўровнома ўтказди. Сайёрамизнинг энг машҳур 7 та дарвозабони сўровномада иштирок этдилар

Буффон

Мен Месси ва Роналдуга қарши майдонга тушганман. Месси асосан техникага таянган холда зарбалар йўллайди. Унинг зарбаларини реакцияси кучли  бўлган дарвозабонлар қайтариш имконига эга. Роналду эса асосан кучга таянади ва шу сабаб зарбалари траэкториясини аниқлаш жуда мушкул. У йўллаган снаряд исталган сонияда ўз йўналишини ўзгартиради. Менга қарши ўйнаганлар ичида унга ўхшашишини кўрмаганман.

Девид Де Ҳеа

Тўғриси, менга бу саволни жуда кўп беришади ва доим бир ҳил жавоб бераман. Роналду! Бошқача бўлиши ҳам мумкин эмас. Месси жамоавий ўйинчи. У бошлаган ҳужумлар кўпинча гол билан якунланади, аммо зарбалар борасида Роналду бироз ундан устунроқ. У иккала оёқда ҳам, бош билан ҳам ўйнашни билади. Бундай футболчилар исталган дарвозабон учун энг ноқулай рақиб бўлса, ажаб эмас.

Икер Касильяс

Мен Криш билан бирга ўйнаганман. Месси билан эса йўқ. Лео менга истаганча гол урган. Роналду эса машғулотларда ҳам  бундай қила олмас эди. Мен ҳозир  «Реал Мардид»да эмасман. Шундай экан, бемалол айта оламан Мессининг зарбалари бироз ҳавфлироқ.

Мануэл Нойер

Ўйлашимча, иккиси ҳам ўзга сайёрадан келган. Уларнинг майдонда кўрсатаётган ўйнларига қаранг. Бошқача бўлиши мумкин эмас.  Зарбаларга келадиган бўлсак, менимча, иккиси ҳам бир ҳил даражада. Футболда қайтариб бўлмас зарбалар бўлмайди деб ҳисоблайман. Шундай экан, иккаласи ҳам мен учун бир даражадаги футболчилар

Тиба Куртуа

Ўйлашимча, Мессининг зарбалари ҳавфлироқ. Тўғри, Роналдунинг забалари ҳам кўплаб муаммолар туғдиради, аммо Мессини нима қилмоқчи эканлигини олдидан билиб бўлмайди. Менимча, бу дарвозабонлар учун энг ноқулайи.

Питер Чех

Мен кўплаб ажойиб футболчилар билан биргаликда ўйнаганман. Феноменларга қарши эса  майдонда фақат рақиб сифатида тўқнаш келганман. Мен Роналдунинг кўплаб зарбаларини бартараф эта олганман, лекин Месси ҳақида бундай дея олмайман.

Эдвин Ван Дер Сар

Менинг фикримча, Роналдунинг зарбалари ҳавфлироқ. Менинг собиқ жамоадошим бўлгани учун уни танламадим. Биласизми, у каби Ер шарида фақатгина Роберто Карлос зарба бера олар эди. Бошқа ҳеч ким уларнинг даражасида эмас. Месси, асосан, тезкор ёриб киришларга ва яқин масофадан аниқ зарба беришга интилади. Роналду эса исталган нуқтадан гол ура олади. Зарба кучи ва тезлигидаги фарқ ҳам Роналдунинг фойдасига эканлиги сўзимга исбот бўла олади.

Шу ўринда ушбу кичик сўровномани футбол мутахассисларидан бирининг улар ҳақида айтган гаплари билан якунласак адолатли бўлади.

«Уларга қарар эканман юрагим сиқилади. Нега дейсизми? Сабаби, улардан сўнг футбол бироз зерикарлироқ кўриниш олади. Замонавий футболни ҳозирда роботга айланган футболчилар ўйнашмоқда. Шу икки йигитгина улардан санъаткорлардек ажралиб туришибди. Уларни ёшартиришнинг иложи йўқ. Шундай экан, улар иштирокидаги ўйинларни кўриб завқланиб олайлик, бундай футболчилар ҳали бери катта ареналарга қайтмайди»
                                                                                                          Жозе Моуринью
Я.У