“Пахтакор” – “Насаф” учрашувидан сўнг меҳмонлар устози Рўзиқул Бердиев қуйидагича фикр билдирди: 

"Мен биринчи галда ёш футболчиларимизга шундай гигант клубга қарши баҳсда мардонавор ўйин намойиш эта олишгани учун миннатдорчилик билдирмоқчиман.

Биринчи бўлимда ўйинимиз у қадар қовушгани йўқ. Лекин иккинчи бўлимда анча яхши ҳаракат қила олдик. Қолаверса, гол киритишни уддаладик. Ҳисоб дуранг пайтида бизда жуда ажойиб имконият юзага келган эди. Балки ўша вазиятдан унумли фойдалана олганимизда ҳисоб умуман бошқача кўриниш олиши ҳам мумкин эди", - деди мутахассис.