Тошкентдаги «Пахтакор» стадионида якунланган «Пахтакор» ва «Насаф» жамоалари ўртасидаги учрашув сўнгида «Аждарлар» сардори Умарбек Эшмуродовни суҳбатга тортдик.
Авваламбор ажойиб ўйин учун раҳмат. Бугун сизларга нима етишмади деб ҳисоблайсиз?
- Билмасам, бизга бугун вазиятлардан унумли фойдалана олмаганимиз панд берди менимча, умуман олганда, ҳеч жабҳада гранд клубдан қолишганимиз йўқ.
«Пахтакор»нинг жисмоний холати ҳақида нима дея оласиз? «Насаф»га бугун сўнгги дақиқаларда чарчаб қолгани учун тўп ўтказиб юбормадими?
- Асло йўқ. Бугун биз ҳеч жабҳада «Пахтакор»дан қолишмадик. Ўтказиб юборилган голга келадиган бўлсак, тўгриси, биз дуррангга ўйнашга интилдик. Балки шунинг учун гол ўтказиб юборгандурмиз
Мағлубиятдан сўнг йигитларнинг кайфияти қанақа?
- Ҳозир Рўзиқул Бердиев айтганларидек ичимиздаги ёшроқларимиз мағлубиятдан сўнг йиғлаб юборишди. Тўғриси, жуда ачинарли холатдамиз.
Бугун «Насаф»га яхши бир легионер етишмагандек туюлди?
- Гапингизда жон бор, аммо ҳозир бизнинг молиявий имкониятларимиз легионерларни жалб этишга қодир эмас. Умид қиламизки, мана шу ёш футболчилар легионерларнинг ўрнини билинтиришмайди.
Балки бугун сизларга Черан етишмагандир?
- Черан кучли футболчи, у бўлганида балки вазият бошқачароқ кўриниш олар эди дея олмайман.
