Ўзбекистон футбол ассоциацияси томонидан истиқболли ва иқтидорли футболчиларни турли ёш тоифадаги миллий терма жамоалар ҳамда профессионал футбол клублари учун тайёрлаб бориш мақсадида бир қатор чора-тадбирлар амалга оширилмоқда.   Жумладан, мамлакатимиз тарихида илк бор Ўзбекистон футбол ассоциацияси ҳузуридаги Қорақалпоғистон Республикаси, вилоятлар ва Тошкент шаҳар болалар-ўсмирлар футбол академияларининг U-14, U-15, U-16, U-17 ёшдаги тарбияланувчилари ўртасида Ўзбекистон Чемпионати ўтказилиши ҳақида хабар бериб ўтгандик. Бугун ана шу мусобақанинг 2-тур ўйинларига старт берилади.   "А" гуруҳидаги 2-тур учрашувларида Самарқанд вилояти Бухорога қарши, Қорақалпоғистон Республикаси академияси Сурхондарёга қарши, Навоий академияси эса Қашқадарё болалар ва ўсмирлар академияси тарбияланувчиларига қарши майдонга тушади. "А" гуруҳида 2-турда Хоразм вилоят академияси дам олади.      "B" гуруҳида 2-турда Тошкент шаҳри академияси Андижон вилояти академиясига қарши, Жиззах вилояти Наманган вилоят академиясига қарши, Тошкент вилояти Фарғона вилояти академиясига қарши баҳс олиб боради. Бу гуруҳда 2-турда Сирдарё вилояти академияси дам олади.