Россия чемпионатининг 23-тури доирасида "Ростов" ўз майдонида "Спартак"ни қабул қилди.

Учрашувнинг 13-дақиқасида ростовликлар ҳисобни очди: бурчакдан етказилган узатмани Гацкан дарвозага жойлаб қўйди. Москваликлар биринчи бўлимнинг ўзида Зобнин томонидан урилган гол эвазига ҳисобни тенглаштиришди.

Иккинчи бўлимнинг 63-дақиқасида Ионов ўрнига Элдор Шомуродов туширилди. Баҳс тугашига 10 дақиқа қолганида ўзбекистонлик футболчи "Ростов"нинг голига муаллифлик қилди. Ўнг қанотдан узатилган тўпни ҳамюртимиз бош билан рақиб дарвозасига жойлаб қўйди.

Учрашувга қўшиб берилган дақиқаларда спартакчилар ҳисобни тенглаштиришлари мумкин эди. Зобнин яккама-якка вазиятда атиги 5 метрдан дарвозани ишғол эта олмади.

Ушбу ғалабадан кейин "Ростов" ўз очколарини 35тага етказиб олди. Карпин жамоаси 5-ўриндаги "Спартак"дан 1 очко ортда қолмоқда.

Россия чемпионати, 23-тур
Ростов – Спартак 2:1 (1:1)
Голлар: 1:0 – 13 Гацкан, 1:1 – 27 Зобнин, 2:1 – 80 Элдор Шомуродов.
Ростов – Песьяков, Чернов, Логашов, Сигурдссон, Паршивлюк, Еременко, Гацкан, Попов (Сигурдарсон, 78), Норманн, Ионов (Шомуродов, 63), Глебов (Зуев, 77).
Спартак – Максименко, Боккетти, Жиго, Рассказов, Айртон, Глушаков (Фернандо, 81), Зобнин, Мельгарехо (Ломовицкий, 73), Мелкадзе, Луис Адриано, Зе Луиш (Ханни, 38).
Огоҳлантиришлар: Паршивлюк (28), Глебов (45), Логашов (56), Еременко (61), Боккетти (64), Мелкадзе (77).