Ўзбекистон Суперлигасининг 4-тури ўз якунига етди. Мазкур турдан бошлаб сайтимиз турнинг энг чиройли голи, энг яхши футболчиси, энг яхши мураббийи, тур иқтибоси ва тур рамзий терма жамоасини аниқлаб боради.
Аввалига сизларга турнинг энг чиройли голини тақдим этамиз. Тур голи деб, “Бухоро” футболчиси Иван Нагаевнинг “Қўқон-1912” дарвозасига киритган голи топилди.
Азамат Исроиловнинг ўнг қанотдан ошириб берилган тўпини Иван Нагаев ўз услубида яъни “чалқанча” усулда даврозага жойлаб қўйди.
Шу тариқа, “Бухоро” сафарда “Қўқон-1912”ни 3:1 ҳисобида таслим этди.
