Жамоамиз аъзолари 21 апрель куни ўтказиладиган 5-тур доирасидаги “Сурхон”га қарши кечадиган баҳсга тайёргарликни бугундан бошлашди. Андрей Канчельскис шогирдлари мазкур ўйинга тайёргарлик доирасидаги илк машғулотни бугун Тўрақўрғондаги “Ёшлик” стадионида ўтказишди. Машғулотлар ўз якунига етгач, “лочинлар”нинг тажрибали ҳимоячиси Ғиёсжон Комиловдан қисқача интервью олдик. У ўз фикрларини қуйидагича баён этди.
- Ўтган турдаги баҳсда ғалаба қозониб, мухлислар олдида юзимиз ёруғ бўлганди. “Сурхон”га қарши кечадиган навбатдаги ўйинга тайёргарликни бугундан бошладик. Бўлажак учрашувда ҳам майдонга ғалаба иштиёқида тушиб, мухлисларга қувонч улашамиз, деган умиддаман.
“Навбаҳор” ПФК матбуот хизмати.
