Мамлакатимизнинг ёш ва умидли шахматчиларидан ташкил топган Ўзбекистон терма жамоаси бугун эрталаб Туркияга учиб кетди. 

Улар Анталия шаҳрида ўтадиган 7 ёшдан 17 ёшгача бўлган мактаб ўқувчилари иштирокидаги жаҳон чемпионатида иштирок этади.

Терма жамоамиз таркибидан 7 ёшгача бўлган ўқувчилар ўртасида Зайнура Абророва ҳамда Акбар Аллаберганов, 9 ёшгача бўлган ўқувчилар орасида эса мамлакат биринчилиги совриндори Хумоюн Бекмуродов каби истеъдодли шахматчилар ўрин олган.

Шунингдек, жаҳон чемпионатида Афруза Ҳамдамова, Баҳром Бахруллаев (11 ёш), Умида Омонова (13 ёш), Жавоҳир Синдаров (15 ёш) ҳамда 17 ёшгача бўлган ёш тоифасида Шамсиддин Воҳидов, Нодирбек Ёқуббоев, Али Қосимов сингари нафақат юртимиз, балки хорижда ҳам ном чиқарган умидли ёшларимиз Ўзбекистон шарафини ҳимоя қилади.