Лондоннинг “Челси” клуби ярим ҳимоячи Эден Азарни нархини пасайтирди.
AS нашрининг хабар беришича, “аристократлар” бундай қарорга “Реал” билан музокара ўтказиш вақтида келишган.
Мадрид клуби белгиялик футболчини ёзда ўз жамоасига қўшиб олишга жиддий бел боғлаган. “Челси” аввалроқ Азар учун 116 млн евро талаб қилган бўлса, ҳозир унинг нархини 103-105 млн еврога тушурди.
Бироқ “қаймоқранглилар” Азарни 80-90 млн евро атрофида сотиб олишмоқчи. Ҳозирча клублар ўртасида музокара давом этмоқда.
Маълумот ўрнида, Азар “Челси”га 2012 йил “Лилль” клубидан ўтган эди.
