“Реал” бош мураббийи Зинедин Зидан жамоанинг ёзги трансферларда амалга оширадиган харидлари ҳақида сўз очди.
- Менга ким кераглигини ўзим яхши биламан ва ушбу трансферлар ҳақида раҳбарият билан суҳбатлашаман. Лекин ҳозир эмас. Улар ким эканлигини ҳам айтмайман.
– Перес сизни “Реал”га қайтариш учун нималарни ваъда берди?
– Мен вазиятни ўзгартиришни истадим, ҳеч қандай шарт қўйганим йўқ. Биз жамоани аввалги ҳолига қайтариш ҳақида суҳбатлашдик ва шунингдек футболчиларни келажаги борасида бир қарорга келдик. Кўрамиз, қандай трансферлар бўлар экан, аммо ўзгаришлар аниқ бўлади.
– Айтишларича, “Реал” кимнидир сотиб олиши учун футболчиларини сотиб юбориши керак экан.
– Бу ҳақида гапиришга ҳали вақтимиз бўлади. Бу ҳар футболчи билан рўй бериши мумкин. “Реал” ҳар доим кучли футболчиларни таклиф қилади. Тан олиш керак, жорий мавсум биз учун оғир ўтди, шунинг учун вазиятни ўзгартириш шарт.
Бэйлнинг келажагини ҳали муҳокама қилмадик”, - дейди Зидан.