"Реал" ҳужумчиси Карим Бензема Испания чемпионатининг 33-тури доирасида "Атлетик"га қарши ўйинда (3:0) хет-трик қилди.

Франциялик футболчи ушбу мавсумнинг барча мусобақаларида 30 та гол муаллифи бўлди. Уларнинг 11 тасини бош билан киритди.

Бу топ-5 лигалар орасида бош билан урилган голлар бўйича энг яхши кўрсаткич. Иккинчи ўринда "Кальяри" ҳужумчиси Леонардо Паволетти - 9 та гол. Криштиану Роналду ("Ювентус"), Роберт Левандовский ("Бавария") ва Кристиан Стуани ("Жирона") каби ҳужумчиларда бундай голлардан еттитадан бор.