"Реал" ҳимоячиси Марсело Ла лиганинг 33-турида "Атлетик" устидан қозонилган ғалабадан сўнг (3:0) фикрлари билан ўртоқлашди.
"Жамоадан кетишга тайёрланяпманми? Келажагим ҳақида гапиришим шарт эмас, чунки бу футболкада бахтиёрлигимни ҳамма билади.
"Реал" - менинг уйим. Бу футболка кийиш ва дунёнинг энг юқори чўққисида туришингиз учун терлашингиз керак бўлади. Ўйнамаган вақтимда ҳам жамоадошларимни қўллаб-қувватлашдан тўхтамаганман.
Бензема? Биз Каримнинг қандай сифатга эга эканини ва унинг жамоа учун қилаётган ишларини биламиз. У етакчилармиздан бири. Унинг голларидан хурсандман. Аммо Карим ҳам голларидан эмас, бизга керак бўлган ғалабадан кўпроқ хурсанд бўлади", - дейди Марсело.
