Ўзбекистонлик боксчи Исроил Мадримов ҳаваскор боксдаги фаолиятини якунлади. Бу ҳақда Worldnews.uz ахборот агентлиги хабар берди.
“Азизлар! Мен бошқа ҳаваскор боксда туша олмайман! Шу пайтгача мени қўллаб келган барчага чин юракдан ўз миннатдорчилигимни билдираман.
Ҳаваскор боксда шундай нарсалар ҳам бўлиб туради. Бугунги жангни ютдим, буни ҳамма билади.
Ҳаёт давом этади. Яна олдинга интилишда давом этамиз. Мен Ўзбекистоним шарафини халқаро майдонда ҳимоя қиламан. Лекин энди фақат профессионал рингда!
Мен ишонч билан шуни маълум қиламанки, профессионал рингда менга тегишли нарсани ҳеч кимга бермайман. Сизларни яХши кўраман”, — деган Мадримов.
