Чоршанба куни "Манчестер Юнайтед" АПЛ доирасида "Олд Траффорд"да "Манчестер Сити"ни қабул қилади.
Айни дамда "Ливерпуль" чемпионлик пойгасида Хосеп Гвардиола шогирдларидан икки очко олдинда боряпти, аммо "шаҳарликлар"да захира ўйини бор. Ана шу захира ўйин — "Манчестер дербиси"да "Сити" очко йўқотса, "Ливерпуль" пешқадамликни сақлаб қолади. Ушбу ўйин олдидан "қизиллар" вакили Жеймс Милнер ўз фикрини билдирди.
"Умримда биринчи марта "Манчестер Юнайтед"га ғалаба тилайман. Ростини айтяпман, бу ўйинни кўрмайман. Билмадим, нима қиламан, балки дўкон айланарман", — деди Милнер.
