Кеча Франция кубогининг финал учрашуви бўлиб ўтди. «Стад де Франс» стадионида "Ренн" ва "ПСЖ" клублари тўқнаш келишди.

Парижликлар ўйинни жуда фаол бошлаб, 13 ва 21-дақиқаларда Данги Алвес ва Неймар томонидан урилган голлар эвазига 2та тўп фарқи билан олдинга ўтиб олишди. Бироқ "Ренн" ҳисобни тенглаштиришга муваффақ бўлди: 40-дақиқада Кимпембе ўз дарвозасини ишғол қилиб қўйган бўлса, иккинчи бўлим ўртасида Мешер мувозанатни тиклади. Қўшимча бўлимларда ҳисоб ўзгармади.

Пенальтилар сериясида омад "Ренн"га кулиб боқди — 6:5. Шу тариқа, 1971 йилдан бери илк марта Франция кубоги соҳибига айланди.

Сўнгги 5 йилдан бери финалга чиқаётган "ПСЖ" илк марта ҳал қилувчи ўйинда ютқазди.

Франция кубоги, финал
Ренн – ПСЖ 2:2 (1:2, 1:0, 0:0, 0:0), пенальтилар бўйича - 6:5
Голлар: 0:1 – 13 Дани Алвес, 0:2 – 21 Неймар, 1:2 – 40, автогол Кимпембе, 2:2 – 66 Мешер.
Ренн – Коубек, Да Сильва, Бенсебайни, Траоре, Мешер, Бен-Арфа, Андре, Буриго (Леа Силики, 105), Гренье, Сарр, Ньянг.
ПСЖ – Ареоля, Кимпембе, Маркиньос, Бернат, Дани Алвес, Дракслер (Кавани, 90), Верратти, Ди Мария (Паредес, 75), Дагба (Диаби, 105; Нкунку, 120), Неймар, Мбаппе.
Огоҳлантиришлар: Гренье (24), Верратти (29), Неймар (44), Ди Мария (55), Мешер (68), Буриго (71), Паредес (95), Андре (97), Ньянг (107), Бенсебайни (112), Леа Силики (118).
Четлатиш: Мбаппе (118).