Пойтахтимизда ихтисослаштирилган олимпия захиралари мактаб-интернати тарбияланувчилари ўртасида енгил атлетика бўйича "Олимпия чўққилари" спорт мусобақаси ўтказилди.
Мусобақанинг тўсиқлар оша югуриш баҳсларида Меҳрангиз Эрназарова ҳамда Эргаш Нормуродов барча рақибларидан устун келди.
Енгил атлетика федерацияси стадионида ўтган турли масофага югуриш баҳсларида Виктория Левина, Ирина Левина, Ангелина Гостюхина, Ҳабиб Соҳибназаров, Шохруҳ Баратов, Тимур Усмонов марра чизиғини биринчи бўлиб босиб ўтди.
Босқон, найза, ядро ва диск улоқтириш баҳсларида Дарья Кашинова, Муҳайё Қорабоева, Инесса Молчанова, Дилафрўз Парпиева қизлар ўртасида тенгсиз, деб топилган бўлса, Руслан Ҳабибов, Александр Ли ва Ойбек Муҳаммажонов ўғил болалар баҳсида ғолиб бўлди.
Узунликка, баландликка ва уч хатлаб сакрашда Надежда Шустова, Алина Арипова, Владимир Гарамов, Вадим Чикалов, Абдулазиз Абдушукуров шоҳсупанинг энг юқори поғонасидан ўрин эгаллади.
