Poytaxtimizda ixtisoslashtirilgan olimpiya zaxiralari maktab-internati tarbiyalanuvchilari o‘rtasida yengil atletika bo‘yicha "Olimpiya cho‘qqilari" sport musobaqasi o‘tkazildi.   Musobaqaning to‘siqlar osha yugurish bahslarida Mehrangiz Ernazarova hamda Ergash Normurodov barcha raqiblaridan ustun keldi.   Yengil atletika federasiyasi stadionida o‘tgan turli masofaga yugurish bahslarida Viktoriya Levina, Irina Levina, Angelina Gostyuxina, Habib Sohibnazarov, Shoxruh Baratov, Timur Usmonov marra chizig‘ini birinchi bo‘lib bosib o‘tdi.     Bosqon, nayza, yadro va disk uloqtirish bahslarida Darya Kashinova, Muhayyo Qoraboyeva, Inessa Molchanova, Dilafro‘z Parpiyeva qizlar o‘rtasida tengsiz, deb topilgan bo‘lsa, Ruslan Habibov, Aleksandr Li va Oybek Muhammajonov o‘g‘il bolalar bahsida g‘olib bo‘ldi.   Uzunlikka, balandlikka va uch xatlab sakrashda Nadejda Shustova, Alina Aripova, Vladimir Garamov, Vadim Chikalov, Abdulaziz Abdushukurov shohsupaning eng yuqori pog‘onasidan o‘rin egalladi.