Англия чемпионатининг 37-тури доирасида «Челси» ўз майдонида «Уотфорд»ни қабул қилиб, йирик ҳисобда ғалаба қозонди.

Биринчи бўлимда ҳисобда очилмаган бўлса, иккинчи бўлимда лондонликлар ўйин тақдирини ҳал қилишди. Дастлаб 3 дақиқа ичида Лофтус-Чик ва Давид Луиз иккита тўпга муаллифига айланишган бўлса, ўйин тугашига 15 дақиқа қолганида Игуаин ҳисобни йирик кўринишга келтириб қўйди.

Шу тариқа, "Челси" ўз очколарини 71тага етказиб, жадвалда 3-ўринга кўтарилиб олди. Сарри жамоасининг ЕЧЛ йўлланмасини қўлга киритиш ўз қўлида қолмоқда.

Англия премьер-лигаси, 37-тур
Челси – Уотфорд 3:0 (0:0, 3:0)
Голлар: 1:0 – 48 Лофтус-Чик, 2:0 – 51 Давид Луиз, 3:0 – 75 Игуаин.
Челси – Аррисабалага, Кристенсен, Аспиликуэта, Алонсо, Давид Луиз (Кэйхилл, 89), Жоржиньо, Канте (Лофтус-Чик, 10), Педро, Ковачич, Азар, Игуаин (Жиру, 79).
Уотфорд – Фостер, Кэткарт, Мариаппа, Фемения, Холебас, Чалоба (Клеверли, 67), Дукуре, Перейра, Хьюз, Деулофеу (Саксесс, 83), Дини (Грэй, 83).
Огоҳлантириш: Дукуре (90).