Биласиз, эртадан Coca Cola Суперлигада 8-тур учрашувлари старт олади.
Мазкур тур доирасида “Насаф” жамоаси ўз майдонида “Қизилқум” билан баҳс олиб боради. Аслида мазкур баҳс 10 май, жума куни соат 18:50да старт олиши кўзда тутилган эди.
Стадионларга мухлислар ташрифини ошириш мақсадида Ўзбекистон профессионал футбол лигаси вилоятлар ҳокимликлари билан яқиндан ҳамкорлик қилмоқда. Қашқадарё вилояти ҳокимлиги мазкур тур ўйини олдидан мухлислар учун байрам шодиёналари уюштиришни режалаштирган. Қолаверса, учрашувга шахсан вилоят ҳокимининг ташриф буюриши ҳам кўзда тутилган.
Шу муносабат билан Қашқадарё вилояти ҳокимининг илтимосига асосан мазкур ўйин соат 20:00да бошладиган бўлди.
