Европа лигаси мусобақасида финалга чиққан жамоалар номи аниқ бўлди. "Челси" ўз майдонида Франкфуртнинг "Айнтрахт" клубини қабул қилиб, қийин ўйин ўтказди.

Биринчи бўлим ўрталарида Лофтус-Чик ҳисобни очган бўлса, иккинчи тайм аввалида Йович мувозанатни тиклади. Ҳар иккала ўйинда бир хил ҳисобдаги қайд этилгани учун қўшимча бўлимлар белгиланди. Аммо уларда гол уриш ҳеч кимга насиб этмади.

Пенальтилар сериясида эса омад Сарри жамоасига кулиб боқди. Ваҳоланки "Айнтрахт" ғалабага яқин турганди. Германияликлар посбони Аспиликуэтанинг зарбасини қайтариб, жамоасига имконият тақдим этди. Аммо Кепа Аррисабалага рақиб футболчиларининг сўнгги 2та зарбасини тўсиб, жамоасининг финалга чиқишига катта ҳисса қўшди.

Шу тариқа, Европа лигаси финалида "Челси" ва "Арсенал" клублари тўқнаш келишади. Финал 29 май куни Боку шаҳрида бўлиб ўтади.

Европа лигаси. 1/2 финал, жавоб ўйини
Челси Англия – Айнтрахт Ф Германия 1:1 (1:0, 0:1, 0:0, 0:0), пенальтилар серияси - 4:3
Голлар: 1:0 – 28 Лофтус-Чик, 1:1 – 49 Йович.
Челси – Аррисабалага, Кристенсен (Дзаппакоста, 74), Аспиликуэта, Эмерсон, Давид Луиз, Ковачич, Жоржиньо, Азар, Лофтус-Чик (Баркли, 86), Виллиан (Педро, 62), Жиру (Игуаин, 96).
Айнтрахт Ф – Трапп, Абраам, Фалетт, Хинтереггер, да Кошта, Роде (де Гузман, 70), Костич, Гачинович (Гонсалу Пасиенсия, 118), Хасебе, Ребич (Аллер, 90), Йович.
Огоҳлантиришлар: Фалетт (38), Роде (40), Ковачич (52), Аспиликуэта (82), де Гузман (90), Абраам (90), Дзаппакоста (120).
Дастлабки ўйин: 1:1