Хабарингиз бор А ПРО-Лига жамоалари 6-тур учрашувларини 15-май, чоршанба куни ўтказишади.

Мусобақа тақвимига кўра, Ўзбекистон Ёшлар Иттифоқи васийлигидаги "Ифтихор" жамоаси Муборакнинг "Машъал" клубини ўз майдонида қабул қилади. "Ифтихор" жамоасининг уй ўйинлари ўтказиладиган Олтиариқ "Марказий" ўйингоҳида таъмирлаш ишлари олиб борилаётганлиги туфайли 6-турдан ўрин олган мазкур учрашув Фарғона давлат университети ўйингоҳида ўтказилиши режалаштирилмоқда.

Эътиборлиси шу куни "Нефтчи" ўз майдонида "Шердор"ни қабул қилишини ҳисобга олсак, футбол мухлислари учун "қулайлик" яратиб келаётган мусобақа тақвимига кўра, Фарғона шаҳрида бир вақтнинг ўзида иккита учрашув ўтказилади.