"Аякс" футболчиси Френки де Йонгнинг айтишича , "Барселона" унга футболкасига фамилиясининг ўрнига исмини ёзишни таклиф қилган.
"Футболкада "Френки" исмини ёзиш бўйича келиша олмаяпмиз. "Барселона" ва "Nike" бу маркетинг бўйича фойдали, омадли деб ҳисоблаяпти. Аммо мен бунга ишонмаяпман. Менга футболкамга "Де Йонг" деб ёзиш қулайроқ", — деди 22 ёшли футболчи.
"Бундан ташқари, мен 21 рақамни олишни истайман. Аммо биламан, бу рақам банд (Карлес Аленья), шунинг учун ҳозирча қайси рақамда ўйнашим ҳам номаълум.
Июлда "Барселона" билан расман шартнома имзолайман. Кўрамиз", — дея қўшимча қилди Де Йонг.
