Хабарингиз бор «Юве» устози мавсум сўнгида клубдан кетиши ҳақида эълон қилди. «Ювентус» раҳабарлари ҳозирда клубни ўз қўлига оладиган кучли мутахассисни излашмоқда. Айрим манбаъаларга қараганда, клуб бир нечта вариянтларни кўриб чиқмоқда. Бугун «Ювентус»ни бошқариши мумкин бўлган мураббийлар ҳақида қисқача!
Жозе Моуриньо
.jpg)
Португалиялик мутахассис ўзининг жанжалкашлиги билан сўнги йилларда шухратига бироз соя солиб қўйди. Шунга қарамасдан, «Ювентус» ЕЧЛни ютиш борасида тажрибага эга мураббийни ишга таклиф қилиши мумкин. Клуб бу ҳақида расмий баёнот бермаган бўлсада, мураббий ўз интервьюларида «А cерийада» жон деб ишламоқчи эканлигини яшириб ўтирмаяпти. Хатто Жозенинг клубга келиши мумкинлиги ҳақида Роналду ҳам ўз фикрлари билан ўртоқлашиб ўтди. Португалиялик мураббийнинг услуби зерикарли бўлсада, натижа олиб келиши мумкин. «А серийада» «Юве»га рақобатчи йўқ эканлигини ҳисобга олсак, Жозе тўлиқ эътиборни ЕЧЛ га қаратиш орқали узоқ кутилган ЙЧЛ совринини қўлга киритиши мумкин.
Дидье Дешам
Франция терма жамоасини ЖЧ ғолиби қилишни уддасидан чиққан мураббий учун бу клуб бегона эмас. Дешам ўзининг энг гуллаган даврларини «Кекса Синиора»да ўтказган ва кўплаб совринларга эга чиққанидан хабарингиз бор. Дешам, доим кучли мутахассис бўлган, бироқ финаллардаги омадсизликлар унинг мураббий сифатида танилишини ортга суриб ташлади. Дешамнинг услуби «Ювентус»га ғалаба келтириши мумкин. Сабаби, мундиалда Франция терма жамоаси деярли юз фоиз прогматик футбол намойиш этди ва чемпионликни қўлга киритди. Унинг мураббийлик тажрибаси ва маҳорати «Ювентус»ни бошқариш учун тўлиқ етади десак, адашмаган бўламиз.
Филиппо Инзаги
Клубнинг таваккал вариянти сифатида Инзаги номзоди ҳам кўриб чиқилмоқда. Унинг «А церийа»клублари билан эришган натижалари ўз ёшига нисбатан анчагина яхши ва унда ўсиш кузатилмоқда. Дарҳақиқат, Фелиппо ўз устида ишалашда давом этса, ҳадемай топ даражадаги мураббийга айланишига ҳеч кимда шубҳа йўқ, бироқ ҳозирда «Юве» учун натижа ҳаммасидан муҳим планга чиққан. Клуб қандай йўл тутган тақдирда ҳам Инзаги номзоди устида бош қотириб кўриши аниқ.
Почетино
Аргентиналик мураббийни сўнги йилларда бир нечта топ клублар ўз сафида кўришни истамоқда. Дарҳақиқат, Почетино иложсиз ишларни амалга оширмоқда ва кичик бюджет билан ҳам топ клуб яратишнинг имкони бор эканлигини бутун дунёга исботлаб келмоқда. Ишончли манбаъаларнинг ҳабар беришича, «Ювентус» мураббий учун йилига 20 миллион евро беришга ҳам тайёр экан. Бу «Тоттенҳем»даги маошидан анчагина кўп дегани. Боз устига, узоқ йиллик кариераси давомида бирорта кубокни қўлга киритмаган Почетино учун «Ювентус» анчагина қулай вариянт. Италия нашрларининг ҳабар беришича, клуб футболчилари ҳам айнан шу вариянтнинг амалга ошишини исташмоқда. Кўрамиз воқеалар ривожи қандай якун топар экан.
