ОЧЛ-2019 гуруҳ босқичи 6-туридан ўрин олган «Локомотив» – «Ар Раян» учрашувидан олдинги матбуот анжуманининг иккинчи қисмида Андрей Фёдоров ва ҳимоячи Ислом Тўхтахўжаев иштирок этди.

“Гуруҳда кимлар чиқди ва кимлар қолиб кетганини тушуниб турибмиз. Аммо биз профессионаллармиз, шу боис гуруҳни яхши натижа билан тугатишни истаймиз. Бундан ташқари, ОЧЛ квоталари учун ҳам ғалаба қозонишимиз керак. Эртага нафақат ўзимиз, балки Ўзбекистон учун ғалаба қозонишимиз зарур.

Умуман олганда, гуруҳдаги барча ўйинларни яхши бошладик. Бироқ негадир кейин сиз айтгандек, ишларимиз яхши кетмади. Футболчилардан сабабини сўрасак айта олишмайди, бу ҳаёт, унда хатолар бўлиб туради. Бу ОЧЛ, унда доим ҳам ўйнайвермайсиз. Шу боис бу мусобақада мотивация топа олмасак уёғини гапирмасак ҳам бўлади.

Ислом Тўхтахўжаев: «Эртага ўзбек футболи учун ўйин бўлади. Бу очколарни қўлга киритишимиз шарт. Мухлислар келиб, бизни қўллаб-қувватлаб туришади, деб умид қиламан».