Бугун, 26 май куни Қаршидаги марказий стадионда Суперлиганинг 10-туридан ўрин олган “Насаф” – “Локомотив” баҳси бўлиб ўтади.
Учрашув соат 19:00да бошланади. Қуйида ўйинга оид баʼзи маʼлумотларни келтириб ўтамиз.
“Насаф”
– “Насаф” турнир жадвалида 14 очко билан 5-ўринни эгаллаб турибди. Жамоанинг тўплар нисбати 14-9.
– Бугун “Насаф” ўз майдонида 6-учрашувини ўтказади. Ортда қолган беш ўйинда қаршиликлар 3 марта ғалаба қозониб, биттадан дуранг ва мағлубият қайд этишди.
– “Насаф” ўз уйида 10та гол уриб, 3та тўп ўтказиб юборган.
– “Насаф” охирги тўртта ўйиндан бери мағлубиятга учрамаяпти.
– Охирги тўртта беллашувда Рўзиқул Бердиэв шогирдлари уч марта ғалаба қозониб, бир бор дуранг ўйнашди.
– “Насаф” охирги икки турни Қаршида ўтказиб, “Қизилқум” билан 1:1 ўйнади ва “Қўқон-1912″ни 2:0 ҳисобида мағлуб этди.
– “Насаф”нинг энг яхши тўпурари Хумоюн Муртазоэв бўлиб турибди, унинг ҳисобида 7та гол бор.
“Локомотив”
– “Локомотив” мусобақа жадвалида 18 очко билан иккинчи ўринда боряпти. Жамоанинг тўплар нисбати 15-7.
– “Локомотив” шу пайтгача сафарда 3та ўйин ўтказиб, биттадан ғалаба, дуранг ва мағлубият қайд этди.
– “Локомотив” сафар ўйинларида учта гол уриб, ўз дарвозасидан ҳам шунча гол ўтказган.
– “Локомотив” охирги учта ўйинни дуранг билан якунлади. “Темирёʼлчилар” сафарда “Металлург” ва уйда “Қўқон-1912”, “Бунёдкор”ни енга олишмади.
– “Локо” охирги марта 6-турда ғалаба қозонган. Жамоа ўз майдонида “Қизилқум”ни 3:1 ҳисобида енгди.
– “Локомотив” шу пайтгача “Насаф”га қарши 28 ўйин ўтказиб, шундан 9тасида ғалабага эришган.
– “Локо”нинг Суперлигадаги энг яхши тўпурари Темурхўжа Абдухолиқов бўлиб турибди. Унинг ҳисобида 6та гол бор.
Охирги 5 ўйин
2018 й. “Насаф” – “Локомотив” 2:1
2017 й. “Насаф” – “Локомотив” 2:0
2016 й. “Насаф” – “Локомотив” 1:2
2015 й. “Насаф” – “Локомотив” 1:0
2014 й. “Насаф” – “Локомотив” 2:5
Қаршида бўлиб ўтган охирги бешта ўйиннинг учтасида майдон эгалари зафар қучган. Шунингдек, икки бор “Локо” ғалаба билан қайтган. Ҳозирча дуранг қайд этилмаган. Тўплар нисбати 8-8.
