«ПСЖ» клуби ҳужумчи Неймар билан шартномани узайтирмоқчи. Бу ҳақда Sport.es хабар тарқатди. Бразилиялик футболчининг амалдаги шартномаси 2022 йилга қадар тузилган. Жамоа раҳбарияти уни 2023 йилга узайтирмоқчи.
Янги шартномада 27 ёшли футболчининг маоши оширилади. Ҳозирда футболчи йилига 36,8 миллион евро маош олмоқда.
«ПСЖ» Неймар билан шартнома узайтириш орқали, унинг бошқа жамоага ўтиши мумкинлиги ҳақидаги гап-сўзларга чек қўймоқчи.
Бундан ташқари, клуб хўжайини Тамим бин Ҳамад ол-Соний Неймар Қатарда ўтадиган ЖЧ-2022да "ПСЖ" футболчиси сифатида иштирок этишини истамоқда.