«Тоттенхэм» ярим ҳимоячиси Кристиан Эриксен тан олиб айтишича, клубни тарк этиб, ўзини кучлироқ жамоа сафида синаб кўрмоқчи.

«Барчаси учун «Тоттенхэм»га ўзимнинг чуқур миннатдорчилигимни билдираман. Шунингдек, ўзимни янги жамоада синаб кўриш ниятим борлигини маълум қилдим.

Умид қиламан, мазкур ёзда бу ниятим амалга ошади. Ҳозирча режам шундай. Футболда нима юз беришини олдиндан айтиш қийин. Барчаси кутилмаганда рўй бериши ҳам мумкин. Барча трансфер тез амалга ошишини истайди. Аммо футболда вақт керак.

Бу Даниэл Леви («Тоттенхэм» вакили)га боғлиқ. Шунингдек, бошқа жамоадан таклиф тушиши лозим. Ёки мен музокара столига ўтириб, янги шартномани муҳокама қилишим лозим. Булар қачон амалга ошишини билмайман.

"Тоттенхэм"да барча нарса мени қаноатлантирмоқда, деб айта олмайман. Агар кетишимга тўғри келса, умид қиламан, бу олдинга ташланган қадам бўлади.

«Реал»? Бу олдинга ташланган қадам. Лекин мадридликлар «Тоттенхэм»га қўнғироқ қилиб, "биз Кристианни сотиб олмоқчимиз", — деб айтишлари керак. Менга маълум бўлишича, "Реал" ҳали бу ишни қилмади.

Бу осон амалга ошадиган иш эмас. Агар яхши таклиф чиқмаса, «Тоттенхэм»да қолишим ҳам мумкин. Бундай ҳолатда янги шартнома имзолайманми? Клуб таклиф қиладиган шартларга боғлиқ», – деди Эриксен.

Эриксеннинг «Тоттенхэм» билан амалдаги шартномаси 2020 йилнинг ёзига қадар тузилган.