“Тоттенхэм” бош мураббийи Маурисио Почеттино ёзги трансферлар вақтида ўз жамоасини янада кучайтирмоқчи.

Аргентиналик мутахассис клуб президенттДаниэль Левига ёзда амалга ошириши бўлган трансферлар рўйхатини тақдим қилган.

Мураббийнинг шорт-листида ярим ҳимоячилар Танги Ндомбеле (“Лион”), Райан Сессеньон (“Фулхэм”), Николо Заньоло (“Рома”) ва Донни ван де Бек (“Аякс”) бор.

Хабарларга қараганда, Леви транферлар учун унчалик кўп маблағ сарфлаш нияти йўқ экан. Чунки “шпорлар” маблағларини янги стадионга сарфлаб бўлишган.

 Агарда раҳбарият Почеттинонинг истакларига қўлоқ тутмаса, мутахассис жамоани тарк этиши ҳам мумкин.

Айни дамда Почеттино Барселонага кетган ва Лондонга мавсум олди тайёргарликларини ўтказиш учун июль ойида қайтади.