Америка кубогида гуруҳ босқичи 1-тури доирасида сўнгги ўйин бўлиб ўтди. Япония терма жамоаси Чилига қарши баҳс олиб бориб, йирик ҳисобда имкониятни бой берди.

Чили терма жамоаси ўйин давомида 4та хавфли вазият яратди ва уларнинг барчасини голга айлантирди. Ёшартирилган таркиб ва бир неча дебютантлар билан мусобақа борган "самурайлар" эса камида 4та голга тортадиган юз фоизли вазиятларга эга бўлиб, улардан фойдалана олмади.

Натижада мана шундай йирик ҳисоб юзага келди.

Америка кубоги-2019, "С" гуруҳи
Япония – Чили 0:4 (0:1)
Голлар: 0:1 – 41 Пульгар, 0:2 – 54 Варгас, 0:3 – 82 Санчес, 0:4 – 83 Варгас.
Япония – Осако, Томиясу, Уэда, Сугиока, Хара, Кубо, Накаяма, Сибасаки, Накадзима (Абе, 66), Маэда (Миеси, 66), Уэда (Окадзаки, 79).
Чили – Арьяс, Босежур, Марипан, Исла, Видаль (Эрнандес, 78), Фуэнсалида (Опасо, 80), Варгас, Арангис, Санчес (Фернандес, 87), Пульгар, Медель.
Огоҳлантиришлар: Хара (19), Накаяма (21), Опасо (90).