Америка кубогининг 2-турига якун ясалди. Чили терма жамоаси Эквадорни мағлуб этиб, муддатидан аввал чорак финал йўлланмасини қўлга киритди.

Чилиликлар учрашувда тезкор гол уришга муваффақ бўлишди. Бурчак тўпи ўйинга киритилганидан сўнг Фуэнсалида ажойиб зарба билан ҳисобни очди.

Баҳснинг 26-дақиқасида эквадорликлар пенальти ишлашди ва Эннер Валенсия ҳисобни тенглаштирди. Иккинчи бўлим бошида эса Алексис Санчес Чилига ғалаба келтирувчи гол муаллифига айланди.

Мазкур ғалаба туфайли чилиликлар ҳисобидаги очколар сони 6тага етди ва чорак финал йўлланмасини қўлга киритиб бўлишди. Эквадор эса иккита ўйиндан сўнг 0 очко билан сўнгги поғонани эгаллаб турибди.

Америка кубоги, "С" гуруҳи, 2-тур
Эквадор – Чили 1:2 (1:1, 0:1)
Голлар: 0:1 – 8 Фуэнсалида, 1:1 – 26, пенальти Валенсия, 1:2 – 51 Санчес.
Эквадор – Домингес, Веласко, Ачильер, Арболеда, Рамирес, Груэсо, Мена (Пресиадо, 82), Орехуэла, Мендес (Валенсия, 60), Ибарра (Гарсес, 69), Валенсия.
Чили – Арьяс, Исла, Медель, Марипан, Босежур, Арангис, Пульгар, Видаль (Хара, 90), Фуэнсалида (Диас, 70), Варгас (Эрнандес, 86), Санчес.
Огоҳлантиришлар: Мендес (3), Мена (34), Арьяс (44), Босежур (52), Арболеда (78), Груэсо (81), Исла (82), Видаль (86), Веласко (90).
Четлатиш: Ачильер (89).