Туриннинг “Ювентус” клуби ёзги трансферлар вақтида ярим ҳимоячи Сами Хедирани сотиб юборишни режалаштирмоқда.

Goal.com сайтининг хабар беришича германиялик футболчини сотишни раҳбариятга бош мураббий Маурицио Сарри таклиф қилган. Мураббий 32 ёшли футболчи унинг услубига тўғри келмаслигини маълум қилган.

Айни дамда Хедиранинг хизматига Туркиянинг “Бешиктош” жамоаси қизиқиш билдирмоқда. Унинг “Юве” билан тузган шартномаси 2021 йилгача мўлжалланган.

Маълумот ўрнида, Хедира туринликлар сафида 2015 йилдан бери ўйнайди. Шу вақт ичида у 127 та ўйинда майдонга тушиб, 21 та гол ва 13 та голга ассисентлик қилди.