Америка кубогининг "В" гуруҳида 3-тур ўйинлари бўлиб ўтди. Аргентина терма жамоаси гуруҳнинг сўнгги турида Қатарни мағлуб этиб, плей-офф босқичи йўлланмасини қўлга киритди.

Учрашув бошида Мартинес қатарлик ҳимоячиларнинг қўпол хатосидан фойдаланиб, ҳисобни очди. Аргентиналиклар ўйин давомида бир нечта имкониятлардан фойдалана олишмади. Хусусан, Агуэронинг зарбаларига аниқлик етишмади. Фақатгина ўйин тугашига 8 дақиқа қолганида "Манчестер Сити" ҳужумчиси икки ҳимоячидан қоқиб кетиб, рақиб дарвозасини ишғол қилди.

Гуруҳнинг иккинчи ўйинида эса муддатидан аввал кейинги босқичига чиқиб бўлган Колумбия Парагвайни мағлуб этди. Натижада Аргентина терма жамоаси 2-ўрин орқали чорак финалга чиқди. Бу босқичда "альбисилеста"га Венесуэла рақиб бўлади.

Америка кубоги, "B" гуруҳи, 3-тур
Қатар – Аргентина 0:2 (0:1, 0:1)
Голлар: 0:1 – 4 Мартинес, 0:2 – 82 Агуэро.
Қатар – Аш-Шийб, Педру Мигел (Исмоил, 85), Ар-Ровий, Хухий, Ал-Ҳпжрий (Абдуссалом, 77), Салмон, Холид, Будиаф, Ҳотим, Али, Афиф.
Аргентина – Армани, Саравия, Фойт (Пеццелья, 85), Отаменди, Тальяфико, де Пауль, Паредес, Ло Чельсо (Акунья, 55), Месси, Мартинес (Дибала, 76), Агуэро.
Огоҳлантиришлар: Ло Чельсо (42), Фойт (44), Али (51), Будиаф (75), Абдуссалом (89).

Колумбия – Парагвай 1:0 (1:0, 0:0)
Гол: 1:0 – 31 Куэльяр.
Колумбия – Монтеро, Арьяс, Сапата, Лукуми, Борха, Лерма, Куэльяр, Кардона (Барриос, 85), Куадрадо (Хамес, 58), Фалькао (Сапата, 66), Диас.
Парагвай – Фернандес, Пирис, Гомес, Алонсо, Арсамендия, Гонсалес (Ромеро, 82), Санчес, Рохас (Итурбе, 63), Рохас (Домингес, 46), Альмирон, Кардосо.
Огоҳлантиришлар: Борха (29), Лукуми (42), Арсамендия (49).