Аргентина терма жамоаси сардори Лионель Месси термадаги фаолиятини якунлаш ниятида йўқлигини маълум қилди.

"Олдимизда янги мусобақалар кутиб турибди. Бу жамоанинг хотиржам ўсишига имкон бериш керак. Шу боис, бу жамоани ҳурмат қилишади ва танқид қилишмайди, деб умид қиламан. Мен бу футболчилар билан яхши тил топишдим. Келажакда ҳам уларга ёрдам беришдан хурсанд бўламан. Бу ажойиб жамоа. У ўсиши керак", - деди Месси.

Маълумот ўрнида. 32 ёшли футболчи аввалроқ 2 марта терма жамоадан кетишини маълум қилиб, орадан маълум вақт ўтгач, у яна Аргентинага қайтган эди. Месси 2005 йилдан бери терма жамоа сафида ўйнаб келади. Аммо шу пайтгача у Аргентина терма жамоаси билан соврин қўлга киритмаган.