Рубин Лофтус-Чик "Челси" билан янги шартнома имзолади, дея хабар беради инглиз клубининг расмий сайти.
Марказий ярим ҳимоячи аристократлар билан беш йиллик шартнома имзолади. ОАВ маълумотларига кўра, ярим ҳимоячининг янги шартнома бўйича иш ҳақи ҳафтада 150 минг фунтга тенг бўлади.
Эслатиб ўтамиз, Лофтус-Чиcк "Челси" тарбияланувчиси ҳисобланади, футболчи жамоа таркибида 2014-йил декабр ойида дебют қилган.
Маълумот ўрнида, ўтган мавсумда 23 ёшли футболчи "Челси" сафида 41 та ўйин ўтказиб, 10 та гол урган ва 5 та голлик узатма берган.