Польшада меҳрибонлик уйи тарбияланувчилари ўртасида Жаҳон кубоги баҳслари бўлиб ўтмоқда.

Унда Жамшид Асадов бошчилигидаги Ўзбекистон терма жамоаси ҳам иштирок этмоқда. Вакилларимиз гуруҳ босқичидаги барча учрашувларни ўтказиб улгуришди. Ўзбекистон терма жамоаси илк ўйинини Словенияга қарши ўтказиб, 0:0 ҳисобида дуранг қайд этди. Иккинчи учрашувда эса Беларус терма жамоаси 4:0 ҳисобида таслим этилди.Сўнгра Вьетнам 3:1 ҳисобида доғда қолдирилди.

Шунингдек, Испания терма жамоаси 2:0 ҳисобида мағлуб этилди. Латвия дарвозаси эса жавобсиз 5 марта ишғол этилди. Фақатгина Россия билан бўлган ўйинда вакилларимиз 0:3 ҳисобида имкониятни бой бериб қўйишди.

Якунда терма жамоамиз гуруҳда 2-поғонани банд этиб, чорак финалга йўл олди. Чорак финалда ҳамюртларимизга Белгия терма жамоаси рақиблик қилади. Ўйин эртага бўлиб ўтади.