Суперлиганинг 2-давра баҳсларига пойтахтимиз Тошкентда жиддий таёргарлик кўраётган жамоамиз мазкур ўқув-машғулот йиғини доирасида 3та назорат-синов баҳси ўтказишни режалаштирган.
Мазкур ўртоқлик ўйинлари 14 июль ва 17 июль кунлари Про-Лига вакиллари бўлмиш - “Оқ-тепа” ҳамда “Янгиер” жамоалари, 20 июль санасида эса Суперлига клуби Самарқанднинг “Динамо” жамоасига қарши ўтказилади.
Аввалроқ 20 июль кунги учрашув Суперлиганинг бошқа вакили - Жиззахнинг “Сўғдиёна” клубига қарши ўтказилиши режалаштирилганди. Аммо жиззахликлар ўша куни пойтахтимизда бўлмасликлари боис, “лочинлар” июлнинг 20-санасида “кўҳна шаҳарликлар”га қарши майдонга тушадиган бўлишди.
“Навбаҳор” ПФК матбуот хизмати.
