«ПСЖ» ҳужумчиси Неймар «Барселона» сардори Лионель Месси ҳақида ўз фикрларини билдириб ўтди.

«Мен учун у жаҳоннинг энг яхши футболчиси. Мен кўрган футболчилар орасида у энг зўри. У билан ажойиб дуэт ҳосил қилган эдик. Месси билан бирга ўйнаш мен учун ёқимли ва шарафли бўлган эди. Бундан ташқари, у менинг дўстим», – деди Неймар.

Бразилиялик футболчи 2013-2017 йиллар оралиғида «Барселона» шарафини ҳимоя қилган. Бу вақт давомида у 186та ўйинда майдонга тушиб, 105та гол урди ва 76та голга ассистентлик қилди. Каталонияликлар сафида қўлга киритиш мумкин бўлган барча совринларни ютди.