"Лестер" ҳимоячиси Харри Магуайр катта эҳтимол билан фаолиятини "Манчестер Юнайтед"да давом эттиради.
Bleacher Report тарқатган хабарга кўра, "қизил иблислар" 26 ёшли футболчининг трансфери борасида "тулкилар" билан келишувга эришган. "МЮ" англиялик футболчи учун 89 миллион евро тўлайди.
Магуайрнинг "Лестер" билан шартномаси 2023 йилнинг ёзига қадар тузилган. Футболчи ўтган мавсумда 32та ўйинда майдонга тушиб, 3та гол урди.
Эслатиб ўтамиз, аввалроқ Магуайрга "Манчестер Сити" ҳам қизиқиш билдирган эди.