Футбол оламида кўплаб ўз жамоасига содиқ футболчиларни учратиш мумкин. Стивен Жераррард,Зенетти, Пуёл сингари футболчилар сўзларимизга исбот бўла олади. Шундай бўлсада, гуруч курмаксиз бўлмайди деганларидек, айим футболчилар борки, клуб мухлисларига ҳеч қаерга кетмасликка ваъда беришсада, ўз сўзларининг устидан чиқа олишмаган. Бугун ана шундай футболчилар ҳақида сўз боради
Гонзало Игуаин
Аргентиналик футболчи «Реал Мадрид» сафида қанчалар урунмасин топ ҳужумчи даржасига чиқа олмагни ҳеч кимга сир эмас. «Қироллик клуби» аргентиналик футболчини «Наполи»га сотиб юборганида кўпчилик унинг кариерасида пасайиш кузтлишини таҳмин қилган эди. Буни қарангки, футболчи «Наполи» сафида ўзининг иккинчи ёшлигини ўтказа бошлади ва деярли ҳар бир учрашувда гол киритиб ўзининг энг ажойиб мавсумларини ўтказа бошлади. Ўзининг қизиққонлиги билан ажралиб турувчи «Наполи» мухлислари уни ўз қариндошларидек яхши кўриб қолишди ва унинг жамоа билан янги шартнома имзолашини сабрсизлик билан кута бошлашди. Бу клубда ўзини баҳтли ҳис қилаётганини, ўз клубини эндигина топганини ОАВ орқали тинимсиз эълон қилаётган Игуаин яширин тарзда «Ювентус» билан музокаралар олиб боради. «Наполи» ўз юлдузига янги шартнома таклиф қилган бир пайтда Игуаин «Ювентус» жамоаси билан келишувга эришганини эълон қилади. Бечора мухлислар ўз кумирларини бир кунда клуб хойинига чиқариб қўйишади. Ўша куни Игуаин номли минглаб футболкалар оммавий тарзда ёқиб юборилгани ҳеч кимнинг ёдидан кўтарилмаган бўлса, ажаб эмас…
Неймар
186 та учрашувда 105 бор рақиблари дарвозасини ишғол қилган Неймар «Барселона» мухлисларнинг ёқимтойи бўлибгина қолмай, бутун дунёга ном таратди. Унга машхурликни айнан «Барселона» жамоси олиб келди ва футболчи Месси ва Роналду даражасидаги футболчи дея ҳисоблана бошланди. Каталония клуби узоқ кутган треблни қўлга киритишда катта ҳисса қўшган футболчини эса, мухлислар ёқтириб қолишди. 2016 – 2017 – йилларга келиб ОАВ томонидан тинимсиз Неймарнинг кетиши ҳақида маълумотлар пайдо бўла бошлади. Футболчининг бошқа клубга ўтишидан асосий мақсад Мессининг соясидан чиқиб ўзини тўлиқ намойиш этиш дея таҳмин қила бошлашди.
Бундай миш – мишлар кўпаявергач трансфер ойнаси очилиш арафасида футболчи мухлисларга мурожаат қилиб қуйидаги сўзларни айтган эди : “Менинг кетишим борасидаги сўзларга эътибор қаратманглар. Каталонияда мени ҳамма нарса қониқтирмоқда. Энг муҳими мен бу ерда бахтлиман. Ўзим севган ишдан роҳат олишда давом этмоқчиман. Ҳавотир олманг, Неймар «Барселона»да қолади”
Ушбу сўзлардан сўнг Каталониялик мухлислар кўнгли тинчиган бўлсада, воқеалар ривожи бирданига ўзгариб кетди. Гап шундкаи, «ПСЖ» футболчи учун шу қадар катта маош кўрсатилган шартнома таклиф қилдики, Неймар буни рад этишда ўзида куч топа олмади…
Неймарнинг тутган йўлини кўплаб каталониялик мухлислар қаттиқ қоралаган бўлсада, «Барса» унинг кетиши ортидан 222 миллион евро ишлаб олгани факт! Шундай бўлсада, Неймарнинг кетиши «Барселона»нинг халқаро майдондаги омадсизликларига сабаб бўлганини ҳам унутмаслик лозим.
Эмануэл Адебаёр
Тоголик футболчини бутун дунёга айнан Лондоннинг «Арсенал» жамоаси танитган десак, адашмаган бўламиз. Адебаёр Анри жамоани тарк этгач клуб учун доиммо гол урувчи футболчига айланган ва мухлисларнин эътиборини қозонган эди. 2009 – йилга келиб футболчи клуб томонидан янги шартнома таклиф этилишини илинжида қуйидаги сўзларни айтиб катта кетган эди - «Арсенал» менга ҳамма нарса берди. Бу клуб сафида дунёга танилдим, мухлисалар ортиришга муваффақ бўлдим. Эндиликда мен ҳам ўз жамоамга ҳудди шундай жавоб қайтармоқчиман. Бу клубдан жамоам учун соврин ютмасдан кетмайман” деган футболчи орадан 2 ой ўтиб «Манчестер Сити» сафига ўтиб кетади. Бу ҳам етмаганидек, собиқ жамоаси билан илк тўқнаш келган учрашувида гол киритади ва уни атайин Лондонлик мухлислар олдида нишонлайди. Ўзи шундоқҳам АПЛнинг икки ашадий рақиблари ўртасидаги адоват мухлисларни ранжитган бўлса, Адебаёрнинг қилган иши уларни ғазабини келтиради… Ҳозирги кунларимизга қадар Эмануэл Адебаёр «Арсенал» тарихида сотқин номи билан эсаланади.
Сол Кембелл
Марказий ҳимоячини ҳотирлар экансиз уни «Арсенал» либосида тасаввур қилишингиз турган гап. Аслида Сол «Арсенал»нинг ашадий рақиби «Тоттенҳем» клуби академияси тарбияланувчиси ҳисобланади. Бундан ташқари футболчи «Тоттенҳем» учун 305 та учрашувда майдонга тушган ва ўзининг сўнги мавсумида жамоа сардори этиб сайланган эди. Мухлисар уни чинакам етакчи ва жамоа сардори сифатида алоҳида эътироф этишар унга бўлган ҳурматнинг чегари йўқ эди. Боз устига «Арсенал» сафига ўтишидан 12 кун аввал футболчи журналислар олдида чиқиш қилиб клубда қолишини ва жамоа енгилганида ўзини ёмон ҳис қилишини айтиб ҳаммани тинчлантиради. Бундай чиқишдан сўнг орадан кўп ўтмай «Арсенал» жамоаси либосида кўриниш берган Сол Кембелл бутун Британияда норозилик уйғотади. Ўша йили футболчи ҳақида кўплаб латифлар пайдо бўлади ва Кембалл «Тоттенҳем» жамоаси орқали ортирган ҳамма ҳурматни бир зумда йўқотиб қўяди.
