"Тўпчилар" "Гремио" билан музокараларни бошлашди.

"Арсенал" ҳужумчи Эвертон Соареснинг трансфери бўйича "Гремио" билан музокараларни бошлади.

UOL Esporte нашрининг хабарига кўра, "тўпчилар" бразилиялик қанот ярим ҳимоячиси учун 40 миллион евро таклиф қилишган.

Маълумот учун, "Наполи" ҳам 23 ёшли ҳужумчига қизиқиш билдирмоқда, аммо футболчининг ўзи Лондон клубига ўтишни мақул кўрмоқда

Эслатиб ўтамиз, ушбу мавсумда Эвертон "Гремио" таркибида 15 та ўйинда майдонга тушиб, 6 та гол ва 1 та голлик узатма амалга оширди.
Вингер Бразилия терма жамоасида 12 та ўйин ўтказиб, 3 та голга муаллифлик қилган.