Жамоамизнинг янги аъзоси Эркин Байдуллаев АГМК учун чин юракдан ўйнашга ваъда берди.
- Менга билдирилган ишонч учун бош мураббий Миржалол Қўшоқовичга, таклиф этган клуб раҳбариятига миннатдорчилик билдираман.
АГМКга ўтганимдан хурсандман. Майдонда эса ушбу ишончни оқлаш лозим. Қўлимдан келганча жамоага ёрдам беришга ҳаракат қиламан. Вазифа ҳар бир ўйинга жиддий ёндошиб, максимал натижа қайд этиш. Жамоада барча нарса ёки жиҳат менга манзур келмоқда. Айниқса машғулотларда завқ билан ишламоқдамиз.
Йигитлар ўзаро аҳил, яхши муҳит шаклланган. АГМКда иш жараёни профессионал равишда йўлга қўйилган. Ўйлайманки, мавсум якунида натижа яхши бўлади.
