"Барселона" ҳимоячиси Самюэль Умтити ёзда жамоани тарк этиши мумкин, дея хабар беради El Mundo Deportivo.
ОАВ хабарига кўра, 25 ёшли франциялик футболчи фаолиятини "Арсенал"да давом эттириши мумкин.
Аввалроқ, "Манчестер Юнайтед" Умтитига қизиқиш билдиргани ҳақида хабарлар тарқалган эди.
Эслатиб ўтамиз, 7-август куни ҳимоячи Лоран Косельни "Арсенал"дан "Бордо"га кўчиб ўтди.
Маълумот учун, ўтган мавсумда Умтити "Барселона" сафида 15 учрашувда майдонга тушди ва 1 та голга ассистентлик қилди.
Transfermarkt.de портали ҳимоячини 45 миллион еврога баҳоламоқда.
Футболчининг каталонияликлар билан шартномаси 2023 йил 30 июнгача амал қилади.
