Александр Хомяков бошчилигидаги "Андижон" жамоаси футболчилари бугун эрталабки машғулотлардан сўнг Тошкентга йўл олишди.
Пойтахтдаги йиғин мобайнида иккита ўртоқлик учрашуви ўтказилиши кўзда тутилган.
Эртага, яъни 4 сентябрь куни "Андижон" жамоаси Миржалол Қосимов бошчилигидаги АГМК жамоасига қарши ўртоқлик учрашувини олиб боради.
Иккинчи ўртоқлик учрашув эса 6 сентябрь куни Тошкентнинг "Бунёдкор" жамоасига қарши ўтказилади.
Иккинчи ўртоқлик учрашувдан сўнг футболчиларга бир кунлик дам берилади ва жамоа футболчилари 8 сентябрь куни Андижон шаҳрида йиғилади ва 13 сентябрь куни Жиззахнинг "Сўғдиёна" жамоасига қарши учрашувга тайёргарлик давом эттирилади.
