Испаниялик вингер Маркел Сусаета эркин агент сифатида "Гамба Осака" сафига қўшилди, дея хабар беради Япония клубининг расмий сайти.
31 ёшли Сусаэта бутун фаолияти давомида Басклар шарафини ҳимоя қилган.
2007 йилдан бери у Билбаонинг "Атлетик" жамоасини асосий ўйинчиси ҳисобланиб, клуб сафида 507 та ўйин ўтказиб, 56 та гол урган ва 87 та голга ассистентлик қилган.
Ушбу ёзда футболчининг "Атлетик" билан шартнома муддати якунига етди.
Маълумот учун "Гамба Осака" Япония чемпионатининг 25-туридан кейин 18 та жамоа ичида 14-ўринни эгаллаб турибди.