Ўзбекистон олимпия терма жамоаси бугун Тошкентда Эрон олимпия термасига қарши навбатдаги ўртоқлик ўйинини ўтказди.

Ўйиндан кейин ўтказилган матбуот анжуманида Эрон олимпия терма жамоаси ёрдамчи мураббийи Умид Намозий қуйидагича фикр билдирди.

“Айтишим мумкинки, бугун рақиб жамоа ажойиб ўйин кўрсатди. Бугун бизнинг кунимиз эмас эди. Мен бугунги ғалаба билан рақибни табриклайман. Кутилганидан кўп гол ўтказиб юбордик. Рақибнинг ҳужум чизиғи ажойиб ўйин кўрсатди. Бугунги ўйинда рақиб анча ақлли ўйин намойиш этди ва ғолиб чиқди. Рақиб футболчилари якка курашларда ғолиб чиқишди ва олдинги чизиқда бўш ўринларни топишда ақлли ҳаракат қилишди. Бизнинг ҳимоя чизиғимиздаги футболчилар рақиб ҳужумчиларига имкониятни бой бериб қўйишди. Бундан эса рақибнинг индвидуал тарзда ҳаракат қиладиган футболчилари унумли фойдаланди. Бугунги ўйин кўрсатиб бердики, биз ҳимоя чизиғимизда ҳали кўп ишлашимиз керак.

Гол ўрганимиздан кейин, ўйин тизгини ўз қўлимизга олишга ҳаракат қилдик, аммо рақиб бунга имконият бермади. Умумий қилиб айтганда, рақиб бугун биздан бир бош устун ўйнади”, - дея Умид Намозий сўзларини келтирмоқда Stadion.uz журналисти Жалолиддин Қобилжонов.