O‘zbekiston olimpiya terma jamoasi bugun Toshkentda Eron olimpiya termasiga qarshi navbatdagi o‘rtoqlik o‘yinini o‘tkazdi.

O‘yindan keyin o‘tkazilgan matbuot anjumanida Eron olimpiya terma jamoasi yordamchi murabbiyi Umid Namoziy quyidagicha fikr bildirdi.

“Aytishim mumkinki, bugun raqib jamoa ajoyib o‘yin ko‘rsatdi. Bugun bizning kunimiz emas edi. Men bugungi g‘alaba bilan raqibni tabriklayman. Kutilganidan ko‘p gol o‘tkazib yubordik. Raqibning hujum chizig‘i ajoyib o‘yin ko‘rsatdi. Bugungi o‘yinda raqib ancha aqlli o‘yin namoyish etdi va g‘olib chiqdi. Raqib futbolchilari yakka kurashlarda g‘olib chiqishdi va oldingi chiziqda bo‘sh o‘rinlarni topishda aqlli harakat qilishdi. Bizning himoya chizig‘imizdagi futbolchilar raqib hujumchilariga imkoniyatni boy berib qo‘yishdi. Bundan esa raqibning indvidual tarzda harakat qiladigan futbolchilari unumli foydalandi. Bugungi o‘yin ko‘rsatib berdiki, biz himoya chizig‘imizda hali ko‘p ishlashimiz kerak.

Gol o‘rganimizdan keyin, o‘yin tizgini o‘z qo‘limizga olishga harakat qildik, ammo raqib bunga imkoniyat bermadi. Umumiy qilib aytganda, raqib bugun bizdan bir bosh ustun o‘ynadi”, - deya Umid Namoziy so‘zlarini keltirmoqda Stadion.uz jurnalisti Jaloliddin Qobiljonov.