Осиёда давом этаётган Жаҳон чемпионати саралаш босқичида кутилмаган натижа қайд этилди. Биринчи турда дам олган Саудия Арабистони терма жамоаси бугун Яман майдонига сафар қилди.
Майдон эгалари 8-дақиқада ҳисобни очишди. Жаримадан етказилган узатмани Муҳсин Муҳаммад чалқанча услубда рақиб дарвозасига жойлаб қўйди. Бўлим ўрталарида саудияликлар ҳисобни тенглаштиришди.
Орадан кўп ўтмасдан яманликлар яна олдинга ўтиб олишди. Иккинчи бўлим бошида Саудия Арабистони Салим ад-Довсарийнинг голи эвазига мувозанатни тиклади. Қолган дақиқаларда саудияликлар жуда кўп ҳужум қилишди. Яман эса дурангни сақлаб қолишга муваффақ бўлди.
Шу тариқа, гуруҳ фаворитларидан бири ҳисобланган Саудия Арабистони саралаш босқичини дуранг билан бошлади. Яман эса икки очко билан гуруҳда 3-ўринни эгаллаб турибди.
ЖЧ-2022 саралаш. Осиё. "D" гуруҳи
ЯМАН - САУДИЯ АРАБИСТОНИ - 2:2 (2:1)
Голлар: Муҳсин Муҳаммад (8), Умар ад-Доҳий (37) — Ҳаттан Беҳабрий (23), Салим ад-Довсарий (48)
| № | Жамоа | Ў | Ю | Д | М | Т - Н | Очко |
|---|---|---|---|---|---|---|---|
| 1 | Сингапур | 2 | 1 | 1 | 0 | 4-3 | 4 |
| 2 | Фаластин | 2 | 1 | 0 | 1 | 3-2 | 3 |
| 3 | Яман | 2 | 0 | 2 | 0 | 4-4 | 2 |
| 4 | Саудия Арабистони | 1 | 0 | 1 | 0 | 2-2 | 1 |
| 5 | Ўзбекистон | 1 | 0 | 0 | 1 | 0-2 | 0 |
