Бир неча кун илгари футбол оламида Мессининг янги шартномадан бош тортгани ва МЛС га йўл олмоқчлиги ҳақида хабарлар тарқаган эди. «Mundo Deportivo» нашри эса, футболчи 2021-йилда эркин агентга айланишини ва кариерасининг сўнгги қисмини ўз юртидаги давом эттириши ҳақида маълумот тарқатди. Айнан шу масалада таниқли «Marca» нашри футболчидан кичик интервью олишга муваффақ бўлди. Шунингдек, клуб президентининг ҳам Мессининг клубда қолиш ёки қолмаслиги борасида «Барселона» расмий сайтига изоҳ берди. Ушбу интервьюларни сизларга тақдим этамиз.
Хосеп Бартомеу
Ха бу ҳақиқат, у жамоани тарк этиши мумкин. У шартномаси сўнгида ўз кариерасини якунлаши ёки бошқа клуб билан шартнома тузиши мумкин. Пуйол, Хави ва Иниесталарнинг шартномасида юқорида зикр қилинган бандлар бўлсада, улар «Барса»га содиқ эканлигини исботлаб беришди. Мессининг содиқлигига заррача шубҳам йўқ. 2020/21-йилги мавсумдан сўнг, Мессининг биз билан қолишига аминаман. У Католонияни жуда яхши кўради, Католония ҳам уни севади. Ўйлашимча у ҳеч қаерга кетмайди ва биз билан қолади.
Лео Месси
Неймарнинг амалга ошмаган трансфери ҳақида фикринг?
- Албатта, Неймарнинг жамоамизга ўтишидан хурсанд бўлган бўлар эдим, балки «Барселона» унинг ортга қайтиши борасида ҳамма чораларни кўрмагандир? Тўғриси билмадим. Очиғи ПСЖ билан музокаралар ўтказиш жуда мушкул. Унинг келиши ортидан ҳар томонлама олдинга қадам ташлашимиз мумкин эди. Биз ҳеч қачон клубга Неймарни сотиб олишини шарт қилиб қўймаганмиз, шунчаки ўз фикримизни билдирганимиз холос. Шундай бўлсада, унинг ортга қайтмаганидан хафа эмасман. «Барселона» алақачон чемпионлик учун кураш олиб борадиган кучли таркибни шакиллантиришга улгурди.
«Барселона»ни шартнома сўнгида тарк этишинг ҳақида нима дея оласан?
- «Барселона» менинг уйим ва мен ҳеч қаетга кетмоқчи эмасман, бироқ ғалаба қозониш ишқида ёнмоқдаман. Айниқса ЕЧЛ ғолиблигини жуда соғиндим. Уни қўлга киритишимизга умид қиляпман. Мен бу клубни ва шахарни жуда яхши кўраман. Айнан шу клубда ўз фаолиятимни тамомлашни истайман. Менинг режаларимда бошқа клубга йўл олиш йўқ.
Раҳбарият билан алоқаларинг қандай?
- Агарда, клубда бардавомлиг ва ҳотиржамлик ҳукм сурганида, бизнинг натижалар бунданда яхшироқ кўриниш олиши мумкин эди. Клубнинг Спорт директорларининг тинимисиз алмаштирилиши, ички муҳитга ўз таъсирини ўтказмоқда. Менимча бу лавозимга Карлес Пуёл ажойиб тарзда мос тушган бўлар эди.
